Ó final gañounos a todos por goleada e se adiantou semanas e naceu un día par, viva a revolución! Pero e que quería ser unha nena abril, coma a súa madriña, asumámolo.
Hoxe comeza unha nova etapa. Unha chea de sorrisos inocentes, de agarimos incondicionais, de cóxegas furtivas e de soños imparábeis.
Tamén de saudade e de morriña, porque todos sabemos que aínda que nacera en terreo madrileño a nosa ruliña vai ser unha fan incondicional do Celta, dos nosos montes verdes, dos malo será, dos luscofuscos nas nosas praias, dos acantilados e ríos enrevesados, e da choiva, das xistras e da saraiba. (Diso encárgome eu, non vos preocupedes)
E é que está claro que esta ruliña vai ser un motivo de ledicia cega para a familia, pero sobre todo para os seus pais. A partir de agora vai dar igual que teñades un mal día, unha preocupación xigantesca ou un problema insolventable, porque no momento no que vexades eses fermosos ollos de meiga, van desaparecer.
Claramente a nosa parruliña vai pasar de xogar no seu berce co seu axóuxere e de correr detrás dunha bolboreta a facer trasnadas e meterse en liortas, pero como todo se soluciona cunha aperta disfrutade deste tempo de maxia, que "This is love".
Ver:
http://youtu.be/LglGc2sVqyE
It's in the face of a mother
As she takes the force of a blow
And its in the hands of the father
As he works his fingers to the bone.
Love is why we do it
Love is worth the pain
Love is why we fall down
And get back up again
